‘ఆచార్య’ సినిమాని దెబ్బ తీయడానికి పెద్ద మాఫియానే పని చేసింది. ‘గాడ్ ఫాదర్’ (God Father) మీద ఆ మాఫియా ఫోకస్ పెట్టింది.
పెద్దయెత్తున డబ్బు కుమ్మరించి, పెయిడ్ బ్యాచ్ ద్వారా సినిమాపై విపరీతమైన నెగెటివ్ టాక్‌ని సినిమా విడుదలకు ముందు నుంచే ప్రచారంలోకి తీసుకొచ్చేలా చేయగలిగారు.
ఎవరికి అంత కసి.? అంటే, ఈ మధ్య పెద్ద సినిమాల విషయంలో ఇలాంటి మాఫియా ఒకటి ప్రతిసారీ కనిపిస్తుంటోంది. సినిమాలో దమ్ము వుంటే, ఇలాంటి పెయిడ్ ప్రచారాల ఎఫెక్ట్ చాలా తక్కువగా వుంటుంది.
God Father.. ఆ మాఫియాకి బలైపోతుందా.?
సినిమాలో విషయం లేకపోతే మాత్రం, వసూళ్ళను దారుణంగా దెబ్బతీస్తోంది ఈ పెయిడ్ మాఫియా తీరు. కొన్ని హిట్ సినిమాల్ని సైతం నిర్వీర్యం చేస్తోంది ఈ మాఫియా.
సినిమా ప్రదర్శితమవుతున్న సమయంలో వీడియో షూట్ చేసి, చిన్న చిన్న బిట్స్ కింద సోషల్ మీడియాలో పోస్ట్ చేయడం, వల్గర్ మీమ్స్ తయారు చేసి ప్రచారం చేయడం.. ఇవన్నీ ఆ మాఫియా ట్రిక్స్.
పైగా, ఈ మాఫియా ఒక్కోసారి ఒక్కో ముసుగేసుకొస్తోంది. రాాజకీయ పార్టీల రంగులేసుకుని కూడా సినీ పరిశ్రమని నాశనం చేస్తోంది.
మెగా అభిమానుల ముసుగు ఓ సారి, నందమూరి అభిమానుల పేరు చెప్పుకుని మరోసారి.. సూపర్ స్టార్ మహేష్ అభిమానుల ముసుగేసుకుని ఇంకోసారి, అల్లు అర్జున్ అలాగే పవన్ కళ్యాణ్ అభిమానుల ముసుగేసుకుని.. ఇలా చెప్పుకుంటూ పోతే, కథ చాలా పెద్దదే.
ఎవరూ ఈ మాఫియాని తప్పించుకోలేరు.!
విజయ్ దేవరకొండ, నాని, రవితేజ.. వీళ్ళ అభిమానుల పేరుతో కొందరు చేస్తున్న యాగీ తక్కువేమీ కాదు. మరీ, ఊసరవెల్లుల్లా మారిపోతున్నారు ఈ మాఫియా గ్యాంగ్‌కి చెందిన పెయిడ్ ఆర్టిస్టులు.
Also Read: రామ్ చరణ్, ఎన్టీయార్‌.. ఈ ఇద్దరిలో ఆ ‘ఆస్కార’మ్ ఎవరికి.?
ఈ మాఫియా ఫోకస్ ఇప్పుడు ‘గాడ్ ఫాదర్’ సినిమా మీద పడింది. భయంకరమైన ట్రోలింగ్ అప్పుడే షురూ అయ్యింది. విపరీతమైన నెగెటివ్ టాక్ ప్రచారంలోకి తెచ్చేస్తున్నారు.
ఏం సాధిస్తారు.? సినిమా నష్టపోతే వాళ్ళకొచ్చే లాభయమేంటి.? అది ఏ సినిమా అయినా కావొచ్చుగాక.. ఏ హీరో నటించింది అయినా కావొచ్చుగాక.. ఒక పెద్ద సినిమా ఆడితే, ఇండస్ట్రీకి జోష్ వస్తుంది.
సినీ పరిశ్రమకు ఈ మాఫియా చీడ ఎప్పటికి వీడుతుందో ఏమో.!
