Chiranjeevi Keerthy Suresh Vijay.. మెగాస్టార్ చిరంజీవి, దళపతి విజయ్.. ఈ ఇద్దరిలో ఎవరు డాన్స్ బాగా చేస్తారు.? అంటే, ఎవరి అభిప్రాయాలు వాళ్ళవి.! నో డౌట్, మెగాస్టార్ చిరంజీవి ది బెస్ట్ డాన్సర్.!
అలాగని, విజయ్ మంచి డాన్సర్ కాదని ఎవరు మాత్రం అనగలరు.? ఇటు చిరంజీవికీ, అటు విజయ్‌కీ.. కోట్లాది మంది అభిమానులున్నారు.
విజయ్‌కీ మెగాస్టార్ చిరంజీవి అంటే ఇష్టం.! విజయ్ అంటే, చిరంజీవికీ ఇష్టం.! ఇది అందరికీ తెలిసిన విషయమే. విజయ్ – పవన్ కళ్యాణ్ మధ్య మంచి స్నేహం వుంది కూడా.!
Chiranjeevi Keerthy Suresh Vijay.. విజయ్ అభిమాని కీర్త సురేష్..
విజయ్ డాన్సులంటే కీర్తి సురేష్‌కి ఇష్టం.! నిజానికి విజయ్‌కి కీర్తి సురేష్ పెద్ద ఫ్యాన్.! ఈ విషయాన్ని పలు సందర్భాల్లో కీర్తి సురేష్ చెప్పింది.
ఓ సందర్బంలో విజయ్ డాన్సుల్ని కీర్తి సురేష్ పొగిడింది కూడా. సోషల్ మీడియాలో ఈ విషయమై పెద్ద రచ్చ జరిగింది. విజయ్ అభిమానులు కెలికారు, మెగాభిమానులు కౌంటర్ ఎటాక్ ఇచ్చారు.
తాజాగా, ఈ విషయమై ‘రివాల్వర్ రీటా’ సినిమా ప్రమోషన్స్ కోసం హైద్రాబాద్ వచ్చినప్పుడు కీర్తి సురేష్‌ని తెలుగు మీడియా ప్రశ్నించింది.
‘చిరంజీవిని కాదని విజయ్ గొప్ప డాన్సర్ అని మీరెలా అంటారు.?’ అంటూ ఓ పనికి మాలిన ప్రశ్న, కీర్తి సురేష్ ముందుంచారు కొందరు సినీ ఎర్నలిస్టులు.
‘విజయ్ అంటే, నాకు చాలా అభిమానం. ఈ విషయాన్ని చిరంజీవిగారి దగ్గరే చెప్పాను. ఆయన చాలా స్పోర్టివ్‌గా తీసుకున్నారు. అదే విషయాన్ని మళ్ళీ చెబుతున్నా..’ అని కీర్తి సురేష్ చెప్పుకొచ్చింది.
నా సమాధానం ఎవరికైనా నచ్చకపోతే, సారీ చెబుతున్నా. అలాగని, నా అభిప్రాయాన్ని వ్యక్తం చేయకూడదని ఎవరైనా అనుకుంటే, నేనేం చేయలేను.. అని కూడా కీర్తి సురేష్ స్పష్టం చేసింది.
ఫ్యాన్స్ ఏవో కామెంట్లు చేస్తే, వాటిని పట్టుకుని సినీ నటుల్ని ప్రశ్నలతో ఇబ్బంది పెట్టడం ఇటీవలి కాలంలో సినీ మీడియాకి అలవాటైపోయింది.
లేని వివాదాన్ని క్రియేట్ చేయడమే, పాత్రికేయం అనుకుంటోంది జర్నలిస్టుల్లో ఓ వర్గం.!
