Women Eggs Pregnancy Upasana.. ఉపాసన కొణిదెల అంటే, అపోలో ఆసుపత్రి బాధ్యతలు చూసుకుంటోన్న, నేటి తరం మహిళ.! మెగా పవర్ స్టార్ రామ్ చరణ్ సతీమణి.!
ఇటీవల ఓ సందర్భంలో ‘మహిళలు తమ అండాల్ని భద్రపరచుకోవడం’ అనే అంశంపై మాట్లాడారు.! యుతకు విలువైన సమాచారం అందించారు.
అది కూడా, ఐఐటీ హైదరాబాద్‌లో జరిగిన ఓ కార్యక్రమంలో ఉపాసన, కెరీర్ సహా మాతృత్వం వంటి విషయాలపై తనదైన అభిప్రాయాల్ని యువతతో పంచుకున్నారు.
ముప్ఫయ్యేళ్ళ వయసొచ్చేసరికే లైఫ్‌లో సెటిల్ అయిపోవాలనీ, మాతృత్వం వంటి విషయాలపై అత్యంత బాధ్యతగా వ్యవహరించాలనీ ఉపాసన సూచించారు.
అవసరమైతే, మహిళలు తమ అండాల్ని భద్రపరచుకునేందుకు, ప్రస్తుతం వైద్య శాస్త్రం తగిన ఆవిష్కరణలతో సిద్ధంగా వుందని కూడా ఉపాసన చెప్పుకొచ్చారు.
Women Eggs Pregnancy Upasana.. ఎందుకు అండాల్ని భద్ర పరచుకోవాలి.?
తల్లి – తండ్రి.. రెండు ప్రాణాలైతే, ఆ రెండు ప్రాణాలూ కలిసి మరో ప్రాణాన్ని భూమ్మీదకు తీసుకొస్తాయి. ఇదీ, జన్మ రహస్యం.!
అంతేగానీ, ఆడ – మగ కలిసి సంయోగం చేస్తే, బిడ్డ పుట్టేస్తుందని కాదు.! దురదృష్టవశాత్తూ, సాంకేతిక భాషలో ‘ఎగ్స్’ అనీ, ‘అండం’ అనీ సరికొత్త మాటలు ఉపయోగించేస్తున్నాం.
క్యాన్సర్ వంటి భయానక వ్యాధులు సంభవించినప్పుడు, రేడియేషన్ చికిత్స తీసుకోవాల్సి వస్తే, అప్పుడు మహిళల నుంచి ‘ఎగ్స్’ ముందుగా సేకరించి, భద్ర పరచడం మేలని వైద్యులు చెబుతుంటారు.
అలా భద్ర పరచడానికి బోల్డంత ఖర్చవుతుంది. అంతకన్నా ముందు, అండాల్ని మహిళల నుంచి సేకరించడం కూడా క్లిష్టమైన ప్రక్రియే.!
భద్ర పరచిన అండాల్ని, ఐవీఎఫ్ చికిత్స కోసం ఉపయోగించడం ఇంకా ఇంకా సంక్లిష్టమైన ప్రక్రియ.
ఆరోగ్యకరమైన మహిళల నుంచి అండాల్ని సేకరించే క్రమంలో, ఇతరత్రా అనారోగ్య సమస్యలు కొత్తగా పుట్టుకు రావొచ్చు కూడా.
సమస్య తీవ్రతను బట్టి మాత్రమే..
సమస్య తీవ్రతను బట్టి మాత్రమే, అండాల్ని భద్రపరచుకోవాలన్నది వైద్య నిపుణులు ఇచ్చే సలహా. అయితే, వైద్యం ఇప్పుడు లాభసాటి వ్యాపారం గనుక, ‘మంచి సలహాలు’ తక్కువైపోయాయి.
సహజ పద్ధతిలో గర్భం దాల్చితే, పుట్టే బిడ్డకు అనారోగ్య సమస్యలు తక్కువగా వుంటాయి. తల్లి దండ్రులు ఆర్థికంగా, సామాజికంగా, మానసికంగా ధృఢంగా వుంటారు.
ఐవీఎఫ్ లాంటి పద్ధతులతో, కుటుంబాలు ఆర్థికంగా చితికిపోతాయి. మానసికంగా చాలా చాలా ఇబ్బందులు ఎదుర్కొనాల్సి వస్తుంది. మహిళలకు తలెత్తే శారీరక ఇబ్బందుల సంగతి సరే సరి.!
అందుకే, కాస్త బాధ్యతగా ఆలోచించండి.! ఏ వయసులో జరగాల్సిన ముచ్చట.. ఆ వయసులోనే జరగాలి.! ముప్ఫయ్యేళ్ళ తర్వాత పిల్లల్ని కనాలన్న ఆలోచన.. అస్సలేమాత్రం సమర్థనీయం కాదు.
ఈ మొత్తం వ్యవహారంలో, ఉపాసన కొణిదెల చెప్పినదాన్ని వక్ర కోణంలో ఆలోచించాల్సిన పనిలేదు. ప్రత్యేక పరిస్థితుల గురించే ఆమె ప్రస్తావిస్తూ, ‘ఎగ్స్ భద్రపరచుకోవడం’పై మాట్లాడారు.
