Raviteja New Change BMW.. రవితేజ అంటే, ఆన్ స్క్రీన్ ఎనర్జీకి మారు పేరు.! ఇప్పుడూ ఆ ఎనర్జీ తెరపై కనిపిస్తోంది.! కానీ, ఎక్కడో వ్యవహారం తేడా కొడుతోంది.!
ఎనర్జీ ఒక్కటే సరిపోదు.. మాస్ ఎలిమెంట్స్ మాత్రమే సరిపోవు.! ప్రేక్షకులు ఇంకోటేదో కోరుకుంటున్నారు.!
తన నుంచి తన అభిమానులూ ఏదో కొత్తగా కోరుకుంటున్నారన్న విషయాన్ని రవితేజ కూడా గుర్తెరగాలి.!
మధ్యలో ‘ధమాకా’ హిట్టయినా, అంతకు ముందూ.. ఆ తర్వాతా రవితేజ చాలా ఫ్లాపులే చూశాడు, చూస్తున్నాడు కూడా.! మరి, మారాలి కదా.!?
Raviteja New Change BMW.. మార్పు మొదలైనట్లేనంట..
రవితేజలో అభిమానులు చూడాలనుకుంటున్న మార్పు.. ఆల్రెడీ మొదలైందట.! ముందుగా ‘మాస్ మహరాజ్’ అనే ట్యాగ్‌లైన్‌ని వదిలేసుకున్నాడట.!
ఇదీ, సినీ వర్గాల్లో జరుగుతున్న చర్చ. ‘భర్త మహాశయులకు విజ్ఞప్తి’ సినిమాతోనే, రవితేజ ఈ సరికొత్త మార్పు చూపింబోతున్నాడు.!
నిజానికి, రవితేజ తిరుగులేని స్టార్‌డమ్ సంపాదించేసుకున్నాడు. ఇప్పుడు ప్రయోగాలు చేయాల్సిన దశలో వున్నాడు. కొన్ని ప్రయోగాలు వికటించొచ్చుగాక.!
మాస్ సినిమాలతో, కమర్షియల్ సక్సెస్ అడపా దడపా రావొచ్చు.. మినిమమ్ గ్యారంటీ.. అనే ట్యాగ్ కొనసాగించొచ్చు. నటుడిగా, రవితేజ.. అంతకు మించి ఎదగాలి కదా.?
Also Read: సన్ గ్లాసెస్ వాడుతున్నారా? మీరివి తప్పకుండా తెలుసుకోవాల్సిందే!
అభిమానులు, అతన్ని ఓ శిఖరంలా చూడాలనుకుంటున్న దరిమిలా, రవితేజ కూడా తన అభిమానుల ఆలోచనలకు తగ్గట్లుగా మారుతున్నట్లే కనిపిస్తోంది.
మాస్ మహరాజ్ ట్యాగ్ వదిలేసి.. మాస్ టచ్ ఇస్తూనే, క్లాస్ సినిమాలతోపాటు ప్రయోగాత్మక సినిమాలు రవితేజ చేస్తే, వేరే లెవల్ వుంటుందన్నది నిర్వివాదాంశం.
‘మాస్ జాతర’ వల్ల వచ్చిన జ్ఞానోదయం.. అనే చర్చ సినీ పరిశ్రమలో జరుగుతోంది.. రవితేజ మార్పుకి సంబంధించి.! నిజమే అయితే, మంచిదేగా.!
కిషోర్ తిరుమల దర్శకత్వంలో ‘భర్త మహాశయులకు విజ్ఞప్తి’ సినిమా తెరకెక్కుతున్న సంగతి తెలిసిందే.
