వైరల్ వయ్యారికి మార్ఫింగ్ టెన్షన్.! పాపులారిటీ అంటే పాపమే.!

Girija Oak Morphing Photos.. ఎవరీ గిరిజా ఓక్.. అంటూ, నెటిజనం ఆమె గురించి తెగ వెతికేశారు.! ఆమె ఫొటోల్ని సోషల్ మీడియాలో ఎడా పెడా షేర్ చేసేశారు.!

కొందరేమో, నేషనల్ క్రష్ గిరిజ ఓక్.. అంటూ, సోషల్ మీడియా వేదికగా సరికొత్త ప్రచారానికీ తెరలేపారు. ఆమె ఏం సినిమాల్లో నటించిందో వాళ్ళెవరికీ కనీసపాటి ఐడియా కూడా లేదు.

సోషల్ మీడియా అంటేనే అంత.! ఏదన్నా ఓ విషయం వైరల్ అయితే చాలు, ఆ వైరస్సుని తమకూ అంటించేసుకుంటారు నెటిజనం.!

పాపులారిటీతో, కష్టాలూ వస్తాయని బహుశా గిరిజా ఓక్ ఊహించి వుండకపోవచ్చు.! అందుకే, వచ్చిన పాపులారిటీ.. తెచ్చిన కష్టంపై గుస్సా అయ్యింది.

Girija Oak Morphing Photos.. నా కుమార్తె భవిష్యత్తు ఏమైపోవాలి.?

‘నా ఫొటోల్ని సోషల్ మీడియాలో వైరల్ చేస్తున్నారు.. హ్యాపీగా వుంది. కానీ, ఏఐ సాంకేతికత ఉపయోగించి, అశ్లీలంగా తయారు చేసిన మార్ఫింగ్ ఫొటోల్ని షేర్ చేయొద్దు..’ అంటూ విజ్ఞప్తి చేసింది గిరిజ.

ఔను, సోషల్ మీడియా తెరిస్తే.. గిరిజ ఓక్ మార్ఫింగ్ ఫొటోలు అత్యంత అశ్లీలంగా కనిపిస్తున్నాయి. ఆ ఫొటోలపై గిరిజ ఆందోళన చెందడంలో అర్థముంది.

‘నాకు పన్నెండేళ్ళ కుమారుడున్నాడు.. నా కొడుకు ఇప్పుడు ఆ ఫొటోల్ని చూసి ఏమనుకుంటాడు.? మీ ఇంట్లో వాళ్ళకి ఇలానే చేస్తారా..?’ అని ప్రశ్నిస్తూ ఓ వీడియో విడుదల చేసింది గిరిజ ఓక్.

‘ఇన్‌స్పెక్టర్ జెండే’ అనే సినిమాతో పాపులర్ అయ్యింది గిరిజ ఓక్.! అంతకు ముందు, షారుక్ ఖాన్ ప్రధాన పాత్రలో తెరకెక్కిన ‘జవాన్’ సినిమాలోనూ నటించిందామె.

ఒక్క ఇంటర్వ్యూ.. వైరల్ వయ్యారిగా మార్చేసింది..

మరాఠీ, హిందీ భాషల్లో పలు సినిమాలు చేసిన గిరిజ ఓక్, ఓ ఇంటర్వ్యూలో సహ నటుడు గుల్షన్ దేవయ్య గురించి చేసిన వ్యాఖ్యలతో వైరల్ వయ్యారిగా మారిపోయింది.

గుల్షన్ దేవయ్యతో ఇంటిమేట్ సీన్స్ చేస్తున్న క్రమంలో, ఆయన ఇచ్చిన కంఫర్ట్ గురించి ఆ ఇంటర్వ్యూలో గిరిజ ఓక్ చాలా హుందాగా మాట్లాడింది.

‘ఎంత క్యూట్‌గా వుందో కదా.. ఎంత అందంగా వుందో కదా..’ అంటూ ఆమె గురించి నెటిజనం మాట్లాడుకోవడం మొదలు పెట్టారు.. అల వార్తల్లోకెక్కి, ఇప్పుడిలా మార్ఫింగ్ ఫొటోలతో విలవిల్లాడుతోంది గిరిజ.