Ashu Reddy Tumor Surgery.. అషు రెడ్డి అంటే.? ‘బిగ్ బాస్ తెలుగు రియాల్టీ షో’ కంటెస్టెంట్ మాత్రమే కాదు.! పవర్ స్టార్ పవన్ కళ్యాణ్‌కి వీరాభిమాని కూడా.!
పవన్ కళ్యాణ్ మీద తనకున్న అమితాభిమానానికి గుర్తుగా, శరీరమ్మీద (పక్కటెముకలపైన), పవన్ కళ్యాణ్ పేరుని పచ్చబొట్టు వేయించుకుంది అషు రెడ్డి.!
బుల్లితెర యాంకర్.. ఒకటీ రెండు సినిమాల్లో కూడా అషు రెడ్డి నటించింది. అషు రెడ్డికి బైక్స్ అంటే ఇష్టం. కార్లు అంటే, ఇంకా ఇష్టం.!
ఖరీదైన బైకులు, అంతకన్నా ఖరీదైన కార్లతో ఫొటోలకు పోజులు ఇస్తుంటుంది. కార్లనీ, బైకుల్నీ చాలా లాఘవంగా నడిపేస్తుంటుంది అషు రెడ్డి.
సోషల్ మీడియాలో అషు రెడ్డి ఫొటోలు ఏ రేంజ్ హాట్ అప్పీల్‌తో వుంటాయో ప్రత్యేకంగా చెప్పాల్సిన పని లేదు కదా.! మరి, అలాంటి అషు రెడ్డి, ఆసుపత్రి బెడ్ మీద కనిపిస్తేనో.?
Ashu Reddy Tumor Surgery.. బాంబు పేల్చిన అషు రెడ్డి..
ఔను, సరిగ్గా ఏడాది క్రితం పెద్ద బాంబు పేల్చింది అషు రెడ్డి. ఆసుపత్రి బెడ్ మీద నుంచి ఓ వీడియో విడుదల చేసింది.!
ఆమెకు తల భాగంలో బ్యాండేజ్ వుంది. సర్జరీ జరిగిందంటూ ఆ వీడియోను స్వయంగా అషు రెడ్డి విడుదల చేసింది. దాంతో, అంతా షాక్‌కి గురయ్యారు.
శస్త్ర చికిత్స విజయవంతంగా జరిగింది. కొన్ని వారాల పాటు, కొన్ని నెలల పాటు విశ్రాంతి తీసుకుంది అషు రెడ్డి. తిరిగి, వర్క్‌లోకి వచ్చేసిందామె.
గత ఏడాది జరిగిన ఆ సర్జరీని గుర్తు చేసుకుంటూ, ‘ఎంత కష్టమొచ్చినా ధైర్యం కోల్పోవద్దు..’ అంటూ, అషు రెడ్డి తాజాగా ఓ వీడియో సోషల్ మీడియా వేదికగా విడుదల చేసింది.
Also Read: డేటింగు.! గాసిప్పింగు.! అనుపమకే ఎందుకిలా.!
తల బరువుగా అనిపించడం, తల నొప్పి రావడంతో.. అనుమానమొచ్చి ఆసుపత్రికి వెళితే, బ్రెయిన్ ట్యూమర్.. అని వైద్యులు వివిధ రకాల వైద్య పరీక్షల అనంతరం నిర్ధారించారట.
ఆ బ్రెయిన్ ట్యూమర్‌ని శస్త్ర చికిత్స ద్వారా తొలగించారు. ప్రస్తుతం అషు రెడ్డి పూర్తి ఆరోగ్యంతో వుంది. సోషల్ మీడియాలో యధాతథంగా హాట్ అండ్ వైల్డ్ ఫొటోలు షేర్ చేస్తోంది.
బ్రెయిన్ ట్యూమర్ విషయాన్ని,, సర్జరీ అనంతరం ఓ ఇంటర్వ్యూలో వెల్లడించింది అషు రెడ్డి.! ఇదేదో పబ్లిసిటీ స్టంట్ కాదు.! స్ఫూర్తిని ఇచ్చే విషయమే.!
ధైర్యాన్ని కోల్పోవద్దంటూ, తనకొచ్చిన కష్టం గురించి చెబుతూ.. దాన్నుంచి కోలుకున్న వైనాన్ని సెలబ్రిటీలు వివరిస్తే, స్ఫూర్తి మంత్రమే కదా అది ఇతరులకి.!
