Sherlyn Chopra Silicon Implants.. పెరుగుట విరుగుట కొరకే.! కాస్మొటిక్ సర్జరీలతో అందాన్ని పెంచుకోవాలనుకునేవారికి ఇది సరిగ్గా సూటవుతుంది.
కాస్మొటిక్ సర్జీల ట్రెండ్ చాలాకాలంగా నడుస్తోంది. అదిప్పుడు, పీక్స్‌లో వుంది.! నిజానికి, ఇది న్యూ నార్మల్ అయిపోయిందిప్పుడు.
ముక్కు, పెదాలు, వక్షోజాలు.. వాట్ నాట్.. బాహ్య శరీరానికి ఎడా పెడా కోతలు పెట్టేసి, అందాల్ని పెంచేసుకునే ప్రయత్నం చేస్తున్నారిప్పడు.
ఒకప్పుడు సెలబ్రిటీలకు మాత్రమే ఈ ఖరీదైన కాస్మొటిక్ సర్జరీలు వుండేవి. ఇప్పుడైతే, అందరికీ అందుబాటులోకి వచ్చేశాయి. ధరలు తగ్గలేదు, జనాలకి అవసరాలు పెరిగిపోయాయంతే.!
Sherlyn Chopra Silicon Implants.. బ్రెస్ట్ ఇంప్లాంట్స్ తొలగించుకున్న షెర్లీన్ చోప్రా..
నటి షెర్లీన్ చోప్రా, తాజాగా సోషల్ మీడియాలో సంచలన వీడియోలు పోస్ట్ చేసింది. ఆసుపత్రిలో నుండే ఓ వీడియో విడుదల చేసింది.
కొంతకాలం క్రితం, వక్షోజాల సైజు పెంచుకోవడానికి చేయించుకున్న సిలికాన్ బ్రెస్ట్ ఇంప్లాంట్ సర్జరీకి వ్యతిరేకంగా, ఇప్పుడు ఎక్స్‌ప్లాంట్ సర్జరీ చేయించుకుందామె.
అప్పట్లో వక్షోజాల సైజు పెంచుకుని, అక్కడికేదో వాటితోనే తన ఆత్మ విశ్వాసం కొండంత పెరిగినట్లు, పబ్లిసిటీ స్టంట్లు చేసింది షెర్లీన్ చోప్రా.
కొద్ది రోజులుగా విపరీతమైన మెడ నొప్పి, ఛాతీ భాగంలో నొప్పి.. రావడంతో వైద్యుల్ని సంప్రదించిందట షెర్లీన్ చోప్రా. వివిధ రకాలైన వైద్య పరీక్షలు చేసిన వైద్యులు, ఇంప్లాంట్స్ తొలగించాలని సూచించారట.
దాంతో, ఎక్స్‌ప్లాంట్ / రిమూవల్ సర్జరీ చేయించుకుంది షెర్లీన్ చోప్రా. సర్జరీ అనంతరం, తొలగించిన ఇంప్లాంట్స్‌తో ఇంకో వీడియో విడుదల చేసింది.
ఒక్కో ఇంప్లాంట్ బరువు ఏకంగా 825 గ్రాములట. అంటే, రెండూ కలిపి కిలోన్నర.! శరీరానికి సంబంధం లేని సిలికాన్ ఇంప్లాంట్, శరీరంలో మోయాల్సి రావడమంటే అదెంత కష్టమైన వ్యవహారమో కదా.!
సహజత్వమే ముద్దు.. ఇంప్లాంట్స్ వద్దే వద్దు.. అంటూ షెర్లీన్ చోప్రా ఇప్పుడు ‘సందేశాలు’ ఇచ్చేస్తోంది.!
ఇంప్లాంట్స్ భామల లిస్టు చాంతాడంత..
కొంచెం ఎక్కువగా.. ఇంకొంచెం ఎక్కువగా.. ఇదీ ఇంప్లాంట్స్ విషయంలో నటీమణుల తీరు. పేర్లు ఇక్కడ ప్రస్తావించి, వాళ్ళని బదనాం చేయడం అనవసరం.
సిలికాన్ ఇంప్లాంట్స్ వల్ల అనేకానేక అనారోగ్య సమస్యలొస్తాయ్. సైడ్ ఎఫెక్ట్స్ విషయమై వైద్యులు ముందే హెచ్చరించాలి. కొంతమంది హెచ్చరిస్తారు కూడా.
కానీ, వినరు కదా.! అదే అసలు సమస్య. కొన్ని కార్పొరేట్ ఆసుపత్రులు కాసుల కక్కుర్తిలో భాగంగా, ఇంప్లాంట్ సర్జరీకి బోల్డంత ప్రచారం చేస్తుంటారు.
మూడు లక్షలు ఆపైన ఖర్చవుతుందనేది ఇంప్లాంట్స్‌కి సంబంధించి అందుబాటులో వున్న సమాచారాన్ని బట్టి తెలుస్తోంది. కాస్త తక్కువలో కూడా సర్జరీలు చేసేస్తున్నారట.
ప్రాణం ముఖ్యమా.? అందం ముఖ్యమా.? అంటే, అందమే ముఖ్యమనుకుంటారు కొంతమంది. అసలు అందమంటే ఏంటి.? అన్నదానిపై భిన్న వాదనలున్నాయి.
ముక్కు సర్జరీ అయినా, పెదవి సర్జరీ అయినా.. అవి, అందాన్ని పెంచడం సంగతేమోగానీ.. ప్రాణాల్ని తీసే ప్రమాదమూ లేకపోలేదు.
కొద్ది నెలల క్రితమే ఓ బాలీవుడ్ నటి, అందాన్ని పెంచుకునే క్రమంలో తీసుకున్న చికిత్స వికటించి, ప్రాణాలు కోల్పోయింది.
కొన్నేళ్ళ క్రితం ఓ స్టార్ హీరోయిన్, లైపో సక్షన్ సర్జరీ వికటించి ప్రాణాలు కోల్పోయిన సంగతి తెలిసిందే.
