Cloudflare CDN Outage.. ప్రపంచం ఒక్కసారిగా ఉలిక్కిపడింది. చాట్‌ జీపీటీ పని చెయ్యలేదు.! చాలా వెబ్ సైట్లు కూడా డౌన్ అయిపోయాయి.!
ఎక్స్ (ట్విట్టర్) డౌన్ అయ్యింది.. చాలా సేవలకూ అంతరాయం కలిగింది. అసలేం జరిగిందో ఎవరికీ అర్థం కాని పరిస్థితి.!
కట్ చేస్త, జరిగిందేమో ‘క్లౌడ్‌ఫ్లేర్ సీడీఎన్ ఔట్‌రేజ్’.! క్లౌడ్‌ఫ్లేర్ సీడీఎన్ డౌన్.. అని కూడా అనొచ్చు. సీడీఎన్ అంటే, కంటెంట్ డెలివరీ నెట్‌వర్క్.!
సంబంధిత సర్వర్లన్నీ ఒక్కసారిగా సమస్యని ఎదుర్కొన్నాయి. ఇ-కామర్స్ రంగం వున్నపళంగా కుప్ప కూలిపోయినంత పనయ్యింది. ఆన్‌లైన్ షాపింగ్ సేవలు నిలిచిపోయాయ్.
అసలేం జరుగుతోందో తెలియక వినియోగదారులు విలవిల్లాడారు.! సోషల్ మీడియా హ్యాండిల్స్ విషయానికొస్తే, తమ హ్యాండిళ్ళు హ్యాక్ అయ్యాయేమోనని ఆందోళన చెందారు.
Cloudflare CDN Outage.. అసలేం జరిగింది.? ఏమిటీ వైపరీత్యం.?
మొబైల్ నెట్ వర్క్ పని చెయ్యలేదా.? సర్వర్లలో డేటా ఏమయ్యింది.? ఇలా బోల్డన్ని ఆందోళనలు. సమయం గడుస్తున్న కొద్దీ కొన్ని సేవలు తిరిగి యధాతథ స్థితికి చేరుకుంటున్నాయి.
ఈలోగా, వినియోగదారుల నుంచి వస్తున్న ప్రశ్నలకు సమాధానం చెప్పలేక ఆయా ఇ-కామర్స్ సంస్థలు తీవ్ర ఇబ్బందులు ఎదుర్కొన్నాయి.
సుమారు ఐదు వందలకి పైగా ‘ఎర్రర్స్’ని క్లౌడ్‌ఫ్లేర్ సంస్థ కనుగొన్నట్లుగా వార్తలు వస్తున్నాయి. అసలు తలెత్తిన సాంకేతిక సమస్య వల్ల ఏ స్థాయి నష్టం జరిగిందన్నదానిపైనా మల్లగుల్లాలు పడుతున్నారు.
ప్రపంచం ఇప్పుడు పూర్తిగా, ‘ఏఐ’ టెక్నాలజీ మీద ఆధారపడిపోతున్న పరిస్థితి. పెద్ద పెద్ద సంస్థలు వీటిల్లో భారీ పెట్టుబడులు పెట్టాయి.
ఇదే సమస్య మళ్ళీ మళ్ళీ రిపీటైతేనో.?
వినియోగారుల నుంచీ సబ్‌స్క్రిప్షన్స్ రూపంలో పెద్ద మొత్తాల్ని వసూలు చేస్తున్నాయి ‘ఎఐ’ సంస్థలు. ఈ నేపథ్యంలో, వినియోగదారుల ఆందోళన, అనుమానాల్ని నివృత్తి చేయడం తప్పనిసరైంది ఆయా సంస్థలకి.
కానీ, సమస్య ఎక్కడుందో గుర్తించలేని ఆయోమయ స్థితిలోకి ప్రముఖ సంస్థలు వెళ్ళిపోయాయి. కొద్ది గంటల పాటు వుంటుందా.? తర్వాత పూర్తిగా సమస్య పరిష్కారమవుతుందా.? అన్నది ఎవరికీ తెలియడంలేదు.
మళ్ళీ ఇదే సమస్య రిపీట్ అయితేనో.? ఈ ఆందోళన ప్రముఖ సంస్థలకు కంటి మీద కునుకు లేకుండా చేస్తోంది.! అసలేం జరిగిందో క్లౌడ్‌ఫ్లేర్ సంస్థకే అర్థం కాని పరిస్థితి.
క్లౌడ్‌ఫ్లేర్ డాటాబేస్ కూడా కనిపించకుండా పోయిందంటేనే, పరిస్థితి తీవ్రత ఏంటో అర్థం చేసుకోవచ్చు. ‘లేటెంట్ బగ్ ఎక్స్‌పోజ్’ అవడం వల్లే ఈ సమస్య.. అని ప్రాథమికంగా అంచనా వేస్తున్నారు.
నిజానికి, ఈ రోజు.. అంటే, నవంబర్ పద్ధెనిమిదవ తేదీ ఉదయం పదిన్నర గంటల సమయంలోనే సాంకేతిక సమస్య తలెత్తింది. సాయంత్రానికి, సమస్య తీవ్రత పెరిగింది.
