Bhagyashri Borse Love Marriage.. ‘అబ్బచ్చా.. అబ్బచ్చా..’ అనే పాటతో, తెలుగు సినీ అభిమానుల్ని తనవైపుకు తిప్పుకుంది భాగ్యశ్రీ బోర్సే.!
తొలి సినిమా ‘మిస్టర్ బచ్చన్’ డిజాస్టర్ రిజల్ట్ ఇచ్చినా, భాగ్యశ్రీకి సినీ అవకాశాలు పోటెత్తుతూనే వున్నాయి.
మొన్నీమధ్యనే ‘కాంత’ సినిమాతో తెలుగు ప్రేక్షకుల్ని పలకరించిన భాగ్యశ్రీ, ఇంతలోనే ‘ఆంధ్రా కింగ్ తాలూకా’ అంటూ, ఇంకోసారి తన అదృష్టాన్ని పరీక్షించుకోబోతోంది.
మధ్యలో ‘కింగ్‌డమ్’ సినిమా చేసింది భాగ్యశ్రీ బోర్సే. విజయ్ దేవరకొండ ‘కింగ్‌డమ్’ సినిమాలో హీరో.
సినిమాలైతే వస్తున్నాయ్ గానీ.. సక్సెస్‌లు మాత్రం దొరకడంలేదు భాగ్యశ్రీ బోర్సేకి.! ఆ లోటు, ‘ఆంధ్రా కింగ్ తాలూకా’తో తీరిపోతుందని భాగ్యశ్రీ బలంగా నమ్ముతోంది.
Bhagyashri Borse Love Marriage.. పెళ్ళెప్పుడు.?
ఇక, హీరోయిన్లు కనిపిస్తే, ‘పెళ్ళెప్పుడు.?’ అన్న ప్రశ్న మీడియా నుంచి మామూలే. ‘ఎవర్నన్నా ప్రేమిస్తున్నావా.?’ అన్న ప్రశ్న కూడా షరా మామూలే.!
అసలే, భాగ్యశ్రీ – రామ్ పోతినేని మధ్య ఏదో కెమిస్ట్రీ.. ఆఫ్ స్క్రీన్ కూడా నడుస్తోందన్న పుకార్లు వినిపిస్తున్నాయ్.!
ఈ క్రమంలో, ‘ప్రేమించి పెళ్ళి చేసుకోవడం’పై ఇంట్రెస్టింగ్ కామెంట్స్ చేసింది భాగ్యశ్రీ బోర్సే.! ప్రేమ మీద తనకు మంచి అభిప్రాయముందనీ, ప్రేమించే పెళ్ళి చేసుకుంటానని చెప్పిందామె.
Also Read: ప్రియాంక చోప్రా జోనాస్.. రెమ్యునరేషన్ ఎంత.?
ప్రస్తుతానికైతే ఎవరితోనూ ప్రేమలో లేననీ, భవిష్యత్తులో మాత్రం ప్రేమించే పెళ్ళి చేసుకుంటాననీ భాగ్యశ్రీ బోర్సే స్పష్టతనిచ్చింది.. ఓ ప్రశ్నకు బదులిస్తూ.!
అద్గదీ అసలు సంగతి.! ఓ సినిమా కోసం హీరో హీరోయిన్లు కలిసి పని చేస్తే, ఇద్దరి మధ్యా ఆన్ స్క్రీన్ కెమిస్ట్రీ బావుంటే, ఆ ఇద్దరూ పెళ్ళి పీటలెక్కేస్తారనుకోవడం ఎంతవరకు సబబు.!
అయినా సరే, గుర్రం ఎగరావచ్చు.. అన్న కోణంలో, ప్రేమ.. పెళ్ళి.. ఈ ప్రశ్నలు సినీ ప్రముఖుల్ని వెంటాడుతుంటాయ్ అంతే.!
