Vrusha Karma Nagachaitanya.. సినిమా టైటిళ్ళుగా కొత్త కొత్త పేర్లు పెట్టడం సర్వసాధారణమే.! ‘క’ పేరుతో మొన్నామధ్య ఓ సినిమా వచ్చింది. కిరణ్ అబ్బవరం హీరో.!
‘కె-ర్యాంప్’ అనే నాసి రకం పేరు కూడా అదే కిరణ్ అబ్బవరం నుంచి సినిమా టైటిల్ అయి కూర్చుంది.! అక్కినేని నాగచైతన్య గతంలో ‘సవ్యసాచి’ అనే సినిమా చేశాడు.
తాజాగా, ‘వృష కర్మ’ అంటున్నాడు అక్కినేని నాగచైతన్య. కార్తీక్ దండు దర్శకత్వంలో నాగచైతన్య హీరోగా తెరకెక్కుతున్న సినిమా ఇది. మీనాక్షి చౌదరి హీరోయిన్.
Vrusha Karma Nagachaitanya.. వృషకర్మ అంటే ఏంటి.?
ఏఐ టూల్స్‌లో వెతికితే, ‘విశ్వ కర్మ’ గురించిన ప్రస్తావన తెస్తోంది. కానీ, ఇక్కడ ‘వృష కర్మ’ అసలు అర్థం వేరు. కర్మ అంటే పని. వృష అంటే ధర్మం.!
ధర్మాన్ని అనుసరించి పని చేసేవాడు, బాధ్యతగా వ్యవహరించేవాడు.. అని అర్థం ‘వృష కర్మ’ అంటే.! ఇటీవలి కాలంలో, తెలుగు పేర్లు.. ఒకింత ఆసక్తికరంగా వుండే పేర్లకు ప్రాముఖ్యత పెరిగింది.
‘విరూపాక్ష’ సినిమా అప్పట్లో ఘనవిజయం సాధించిన సంగతి తెలిసిందే. సాయి ధరమ్ తేజ్ హీరోగా నటించిన సినిమా అది.
త్వరలో ‘విశ్వంభర’ సినిమా ప్రేక్షకుల ముందుకు రాబోతోంది. మెగాస్టార్ చిరంజీవి నటిస్తున్న సినిమా ‘విశ్వంభర’.!
గతంలో అయితే, ‘లోఫర్’ అనీ, ‘ఇడియట్’ అనీ.. తిట్లతో కూాడా టైటిల్స్ వచ్చాయనుకోండి.. అది వేరే సంగతి.! ఇప్పుడూ అలాంటివి వస్తున్నాయ్.. మొన్నామధ్య ‘పాగల్’ పేరుతో ఓ సినిమా వచ్చింది.
ఏదన్నా సినిమా హిట్టయితే, ఆ టైటిల్‌కి పోలి వుండే టైటిళ్ళతో సినిమాలు రావడం పరిపాటిగా మారింది.!
ఇంతకీ, ‘వృష కర్మ’ సినిమా ఎలా వుండబోతోంది.? చూస్తున్నారు కదా.. పోస్టర్ అయితే అదిరింది.! సినిమా ఎలా వుంటుందో తెలియాలంటే కొద్ది రోజులు వేచి చూడాల్సిందే.
