ఆంధ్రా కింగ్ తాలూకా.! ‘ఆ తప్పు’ అంతా ప్రేక్షకులదే.!

Andhra King Taluka Audience.. రామ్ పోతినేని, భాగ్యశ్రీ బోర్సే జంటగా మహేష్‌బాబు దర్శకత్వంలో తెరకెక్కిన సినిమా ‘ఆంధ్రా కింగ్ తాలూకా’ ఇటీవల ప్రేక్షకుల ముందుకొచ్చింది.

ఓ సినీ అభిమాని, ఓ సినీ హీరో.. ఈ ఇద్దరి చుట్టూ ఓ ఎమోషనల్ కథను అల్లాడు దర్శకుడు మహేష్‌బాబు.! సినిమా బానే వుందంటూ, చాలా రివ్యూలు చూశాం.

ఇంకోపక్క, సినిమా చాలా స్లో.. అనే కామెంట్లు కూడా అవే రివ్యూల్లో కనిపించాయి. సినిమా ‘స్లో’గా వుందంటే, దానర్థమేంటి.? బోరింగ్ వ్యవహారం.. అనే కదా.!

Andhra King Taluka Audience.. రామ్ పోతినేని కోసం..

నిజానికి, ‘ఆంధ్రా కింగ్ తాలూకా’ సినిమాకి పాజిటివ్ ప్రమోషన్స్ బాగా జరిగాయి. సీనియర్ నటుడు ఉపేంద్ర ఈ సినిమాలో ఓ కీలక పాత్రలో కనిపించిన సంగతి తెలిసిందే.

‘ఆంధ్రా కింగ్ తాలూకా’ చుట్టూ ప్రీ రిలీజ్ పాజిటివ్ బజ్ క్రియేట్ అవడం పట్ల, టీమ్ కూడా ఆనందం వ్యక్తం చేసింది. అదే, ఆనందంతో ప్రమోషన్లు ఇంకా గట్టిగా చేశారు కూడా.

మరోపక్క, సినిమాని అమెరికాలో ప్రమోట్ చేసేందుకోసం హీరో, హీరోయిన్.. వెళ్ళారు. అంతే, ఇక్కడ తెలుగు రాష్ట్రాల్లో సినిమా ప్రమోషన్లు డల్ అయిపోయాయి.

తప్పెవరిది.?

సరే, సినిమాలో సత్తా వుంటే.. ఆడుతుంది. లేకపోతే అంతే సంగతులు.! ఓపెనింగ్స్ బాగానే వున్నాయనుకునేలోపు.. రెండో రోజుకి థియేటర్లు ఖాళీ అయిపోయాయి.

నో డౌట్, సినిమాని థియేటర్లలో చూసేందుకు ప్రేక్షకులు పెద్దగా ఇష్టపడటం లేదు. ఇందులో ఇంకో మాటకు తావు లేదు. కానీ, సినీ జనాలు తమవంతు ప్రయత్నిస్తూనే వున్నారు.

అయితే, ‘ఆంధ్రా కింగ్ తాలూకా’ సినిమాకి ప్రేక్షకుల నుంచి మరింత ప్రేమ లభించి వుండాల్సింది.. అన్న చర్చ ఒకటి, ప్రేక్షకుల్ని ఇంకా హర్ట్ చేస్తోంది.

సినిమా చూడాలా.? వద్దా.? అన్నది ప్రేక్షకుడి ఇష్టం. అతని తీరిక, అతని అభిరుచి.. వీటిని అంచనా వేయలేరు ఎవరైనాసరే.

తప్పంతా ప్రేక్షకులదే.. అంటూ, కొందరు సినీ విశ్లేషకులు, సినీ పండితులు.. సోషల్ మీడియా వేదికగా వ్యక్తం చేస్తున్న అభిప్రాయాలు, ప్రేక్షకులకి సినిమాలపై వున్న ఇంట్రెస్ట్‌ని మరింత చంపేస్తున్నాయ్.

సినిమా రిలీజ్ తర్వాత అసలు ఈ నెగెటివ్ క్యాంపెయిన్ ఎందుకు ప్రారంభమైనట్లు.? ప్రేక్షకుల మీద ఈ ఏడుపులు ఏంటి.?

అన్నిటికీ మించి, తెలుగు రాష్ట్రాల్లోని సినీ అభిమానుల్ని కాకుండా, అమెరికా తెలుగు సినీ అభిమానులే ఎక్కువన్న ఆలోచనతో ‘ఆంధ్రా కింగ్ తాలూకా’ టీమ్ ఎందుకు వుంది.?

ఏమోగానీ, ‘ఆంధ్రా కింగ్ తాలూకా’ సినిమా బానే వుంది.. అనే పరిస్థితి నుంచి, ఇప్పుడు వ్యవహారం నెగెటివ్ ట్రెండ్‌లోకి వెళ్ళిపోతోందన్నది మాత్రం నిర్వివాదాంశం.