Prakash Raj Mathonmaadam.. సినీ నటుడు ప్రకాష్ రాజ్, తనను తాను అపర మేధావి అనుకుంటాడు.!
అంతేనా, అత్యంత బాధ్యతారహితంగా ‘ప్రశ్నించేస్తున్నా’ అనుకోవడం ఆయనకి అలవాటైన వ్యవహారమే.
‘జస్ట్ ఆస్కింగ్’ అంటూ సోషల్ మీడియా వేదికగా ట్వీట్లేస్తుంటాడు.! సహజంగానే, ఓ వర్గం ఆయన ట్వీట్లకి వత్తాసు పలుకుతుంటుంది.
‘హిందూ ద్వేషి’ అనే ముద్ర ఆయన మీద ఎప్పుడో పడిపోయింది కూడా.! ఆయన వ్యవహార శైలి కూడా అందుకు తగ్గట్టే వుంటుంది.
బీజేపీని విమర్శించే క్రమంలో, బీజేపీతో ఎవరు కలిసినా.. వారి మీద విషం చిమ్మడం ప్రకాష్ రాజ్‌కి అలవాటు.
ఈ క్రమంలో హిందూ మత విశ్వాసాలపైనా హద్దులు మీరేలా ప్రకాష్ రాజ్ వ్యవహార శైలి వుంటుందన్న వాదన అంతటా వుంది.
Prakash Raj Mathonmaadam.. పెయిడ్ ఆర్టిస్ట్ ప్రకాష్ రాజ్..
తెలంగాణలో గులాబీ పార్టీ (బీఆర్ఎస్ – ఒకప్పటి టీఆర్ఎస్) అంటే, ప్రకాష్ రాజ్‌కి ఇష్టం. ఏపీ రాజకీయాల్లో అయితే, వైఎస్సార్ కాంగ్రెస్ పార్టీకి బాకా ఊదుతుంటాడు ప్రకాష్ రాజ్.
ఒక్కమాటలో చెప్పాలంటే, కొన్ని రాజకీయ పార్టీలకి ఆయన జస్ట్ ‘పెయిడ్ ఆర్టిస్ట్’. తమ అవసరాలకు తగ్గట్టుగా, అతనికి ‘పే’ చేసి, ఆయనతో రాజకీయ వ్యాఖ్యలు చేయిస్తుంటాయి ఆయా పార్టీలు.
తమిళనాడులోనూ ‘డీఎంకే’ పార్టీకి, ‘పెయిడ్ ఆర్టిస్ట్’గా ప్రకాష్ రాజ్ పని చేస్తున్నాడన్నది తమిళ తంబిలు చెప్పే మాట.!
తాజాగా, ప్రకాష్ రాజ్ ‘తిరుమల లడ్డూ’ విషయమై, ‘మతోన్మాదం’ అంటూ వివాదాస్పద వ్యాఖ్యలు చేశారు. ‘కల్తీ రాజకీయం’ అని కూడా ప్రస్తావించారు ప్రకాష్ రాజ్.
మతోన్మాదం ఎవరిది.?
అసలు కల్తీ రాజకీయం అంటే ఏంటి.? అది చేస్తున్నదెవరు.? మతోన్మాదం ఎవరిది.? కలియుగ ప్రత్యక్ష దైవం శ్రీ వెంకటేశ్వర స్వామి ప్రసాదాన్ని ‘కల్తీ’ చేసిన వాళ్ళది కదా, ‘మతోన్మాదం’ అంటే.?
ఎవరి మీద ఆ ‘కల్తీ’ ఆరోపణలు వున్నాయో, వాళ్ళ తరఫున కదా, ప్రకాష్ రాజ్ వకాల్తా పుచ్చుకుంటున్నది. మరి, కల్తీ రాజకీయం చేస్తున్నదే ప్రకాష్ రాజ్ కదా.!
లడ్డూ ప్రసాదం కల్తీ విషయమై, కోర్టులో విచారణ జరుగుతోంది. రాష్ట్ర ప్రభుత్వం ఇప్పటికే ఈ విషయమై సీరియస్‌గా వుంది.
సర్వోన్నత న్యాయస్థానం ఆదేశాల మేరకు ఏర్పాటు చేసిన ‘సిట్’ విచారణలో విస్తుపోయే విషయాలు వెలుగు చూస్తున్నాయి.
ఈలోగా, ‘మతోన్మాదం’ అంటూ, ప్రకాష్ రాజ్ చేస్తున్న తప్పుడు ట్వీట్ల వెనుక, ఎవరి హస్తం వుంది.? ఎవరి ‘చెల్లింపులకు’ అనుకూలంగా, ప్రకాష్ రాజ్ పెయిడ్ ఆర్టిస్టులా వ్యవహరిస్తున్నట్లు.?
