Globetrotter Special Event Rajamouli.. అసలు, గ్లోబ్‌ట్రోటర్ అంటే ఏంటి.? దీనికి ఆల్రెడీ గూగుల్ తల్లి సమాధానం చెప్పేసింది.! కానీ, సినిమాలో హీరో మహేష్ పాత్ర ఎలా వుండబోతోంది.?
అదైతే, మరికొద్ది గంటల్లో తెలియబోతోంది. ‘గ్లోబ్‌ట్రోటర్’ స్పెషల్ ఈవెంట్ ఈ రోజు సాయంత్రం జరగనున్న సంగతి తెలిసిందే.!
సినిమా టైటిల్ ఏంటి.? అన్నది కూడా కాస్సేపట్లో తెలిసిపోతుంది. అదీ, ‘గ్లోబ్‌ట్రోటర్’ స్పెషల్ ‘వేదిక’ పై నుంచే విడుదల చేయబోతున్నారు.
బోల్డంతమంది సినీ ప్రముఖులు, ఈ ‘గ్లోబ్‌ట్రోటర్’ స్పెషల్ ఈవెంట్‌కి ముఖ్య అతిథులుగా హాజరు కానున్నారు.
రాజమౌళి సినిమా అంటే, మొత్తంగా ఆయన కుటుంబ సభ్యులే ముఖ్యమైన టీమ్.! సో, వాళ్ళ హంగామానే ఎక్కువగా కనిపించబోతోంది.
పోస్టర్ రివీల్ అవుతుంది.. మహేష్ లుక్ రివీల్ చేస్తారు. దాంతోపాటు, గ్లింప్స్ కూడా రాబోతోంది. వీటికి సంబంధించి రాజమౌళి పక్కా ప్లాన్‌తో వున్నాడు.
తొలుత విలన్ ‘కుంభ’ని పరిచయం చేయడం, ఆ తర్వాత హీరోయిన్ ‘మందాకిని’ని పరిచయం చేయడం.. ఇదంతా రాజమౌళి మార్క్ మార్కెటింగ్ స్ట్రాటజీ.
సినిమా పబ్లిసిటీని.. తనదైన మార్కెటింగ్ వ్యూహాలతో పదునెక్కించి, ప్రపంచానికి తెలుగు సినిమాని పరిచయం చేసిన ఘనత రాజమౌళిదే.
‘పాస్‌పోర్ట్’ అనే పేరుతో, ‘గ్లోబ్‌ట్రోటర్’ స్పెషల్ ఈవెంట్ కోసం ఇన్విటేషన్లు జారీ చేసి అందర్నీ ఆశ్చర్యపరిచాడు. జియో హాట్‌స్టార్ ఓటీటీ సంస్థ, ఈ ఈవెంట్ లైవ్ ప్రసార హక్కుల్ని సొంతం చేసుకుంది.
ఇక, ఈ రోజు నుంచి రాజమౌళి మార్కెట్ వ్యూహాల్లో మరిన్ని సంచలనాల్ని చూపబోతున్నాం. విదేశాల్లో కూడా, ‘గ్లోబ్‌ట్రోటర్’ స్పెషల్ ఈవెంట్స్ వుంటాయనే ప్రచారం జరుగుతోంది.
ఇంతకీ, ‘గ్లోబ్‌ట్రోటర్’ అనే ప్రస్తావన ఇక్కడితో, అంటే ఈ ఈవెంట్‌తో ఆగిపోతుందా.? ఆ తర్వాత, సినిమా టైటిల్‌తోనే కదా అంతా ఈ సినిమా గురించి మాట్లాడుకునేది.?
టైటిల్ విషయమై కూడా భిన్న వాదనలున్నాయి. ‘వారణాసి’ అనే టైటిల్ ఆల్రెడీ లీక్ అయ్యింది. కానీ, అదే పేరుతో ఇంకో సినిమా అనౌన్స్ అయిపోయింది అధికారికంగా.
మొత్తమ్మీద, ‘గ్లోబ్‌ట్రోటర్’ స్పెషల్ ఈవెంట్ గురించి సగటు సినీ అభిమాని నరాలు తెగే ఉత్కంఠతో ఎదురు చూస్తున్నాడు. రాజమౌళి ఏం చూపించబోతున్నాడో, ఏం చెప్పబోతున్నాడనే ఉత్కంఠకి మరికొద్ది గంటల్లో తెరపడనుంది.
తన సినిమాలకు సంబంధించి రాజమౌళి ఏదీ దాచుకోడు.. ‘బాహుబలిని కట్టప్ప ఎందుకు చంపాడు’ అన్న విషయం మాత్రమే దాచాడు.! ‘గ్లోబ్‌ట్రోటర్’ గురించి,
రాజమౌళి ఏమైనా దాచుతాడా.? అన్నీ చెప్పేస్తాడా.? జస్ట్ వెయిట్ అండ్ సీ.!
