Kamal Rajini Sundar Combination.. అన్నీ చక చకా జరిగిపోయాయ్.! కమల్ హాసన్ నిర్మాతగా, రజనీ కాంత్ హీరోగా.. కొత్త సినిమా అనౌన్స్‌మెంట్ జరిగింది.
ప్రాజెక్ట్ ఎంత అట్టహాసంగా ప్రకటితమయ్యిందో అందరికీ తెలిసిందే.! కానీ, ఇంతలోనే పెద్ద షాక్.. దర్శకుడు సుందర్, ఈ ప్రాజెక్ట్ నుంచి తప్పుకున్నాడు మరి.!
గాసిప్స్‌కి ఆస్కారమే లేదు. అసలు అంత గ్యాప్ కూడా ఏమీ లేదు.! అన్నీ చాలా చాలా వేగంగా జరిగిపోయాయి. జెట్ స్పీడ్‌తో డెవలప్మెంట్స్ చోటు చేసుకున్నాయి.
సుందర్ సి అంటే, ప్రముఖ దర్శకుడు తమిళ సినిమాకి సంబంధించి. నటి ఖుష్బూ భర్త ఈ సుందర్.! మొన్నామధ్య తమన్నాతో ఓ సినిమా తెరకెక్కించాడు.
సక్సెస్, ఫెయిల్యూర్‌తో సంబంధం లేకుండా సుందర్ సినిమాలు తెరకెక్కిస్తూనే వుంటాడు దర్శకుడిగా. స్వీయ దర్శకత్వంలో నటిస్తుంటాడు కూడా.!
Kamal Rajini Sundar Combination.. తప్పుకున్నాడా.? సుందర్‌ని తప్పించేశారా.? అసలేం జరిగింది.?
ఇంతకీ, ఏమయ్యింది.? కమల్ – రజనీ ప్రాజెక్టు నుంచి సుందర్ ఎందుకు తప్పుకున్నట్లు.? ఈ విషయమై నిర్మాత కమల్ హాసన్ తాజాగా సంచలన ప్రకటన చేశాడు.
‘హీరో రజనీ కాంత్‌కి కథ నచ్చలేదు. అందుకే, ఈ మార్పులు జరిగాయి. కొత్త దర్శకుడితో, ఈ సినిమా పట్టాలెక్కుతుంది..’ అంటూ కమల్ హాసన్ వ్యాఖ్యానించాడు.
కథ బాలేదా.? ఆ విషయం, ప్రాజెక్ట్ అనౌన్స్ అయ్యాక తెలిసిందా.? రజనీ కాంత్‌కి నచ్చకపోతే, ఆయనే చెప్పేవారు కదా.? కమల్ ఎందుకు ప్రకటించినట్లు.? అంటూ సుందర్ అభిమానులు గుస్సా అవుతున్నారు.
కమల్ హాసన్ నిర్మాత కదా.. ఆయనకి అన్ని హక్కులూ వుంటాయ్.. సినిమాకి సంబంధించి. కాకపోతే, తక్కువ వ్యవధిలో సినిమా ప్రకటించి, కథ బాలేదని దర్శకుడిని తప్పించడమే దారుణం.!
‘ప్రాజెక్టు నుంచి తప్పుకున్నాను’ అంటూ హుందాగా ఓ ప్రకటన విడుదల చేసి, తన పరువు కాపాడుకున్నాడు సుందర్ సి.!
లేదంటే, మేమే తీసేశాం.. అన్నట్లుండేది కమల్ హాసన్ తాజా ప్రకటన తర్వాత వ్యవహారం.!
మొత్తానికి కమల్ హాసన్ – రజనీకాంత్ కాంబినేషన్‌లో తెరకెక్కాల్సిన ప్రాజెక్టుకి సంబంధించి సుందర్ బలిపశువైపోయాడన్నమాట.
