హనుమాన్ ముందర కుప్పి గంతులా? క్షమాపణ చెప్పెయ్ రాజమౌళీ!

Rajamouli Controversy Hanuman Varanasi.. అంత పెద్ద వేదిక మీద, ‘దేవుడంటే నమ్మకం లేదు గానీ..’ అని రాజమౌళి ప్రకటించడాన్ని కొందరు తప్పు పడుతున్నారు.!

కానీ, అది ఆయనిష్టం. తనకు దేవుడి మీద నమ్మకం లేదన్న విషయాన్ని రాజమౌళి ఎక్కడైనా చెప్పుకోవచ్చు. అది తప్పు కాదు.!

అందరికీ, దేవుడి మీద నమ్మకం వుండాలనే రూల్ ఏమీ లేదు.! నమ్మకం వుండొచ్చు, నమ్మకం లేకపోవచ్చు.!

కాకపోతే, హిందువు అయి వుండీ, హిందూ దేవుళ్ళ మీద నమ్మకం లేదా.? లేదంటే, అన్య మతాలకు చెందిన వాడై వుండి, హిందూ దేవుళ్ళ మీద నమ్మకం లేదా.?

అన్య మతస్థుడై వుండి, ఆయా మతాలకు చెందిన దేవుళ్ళ మీద నమ్మకం లేదా.? ఇలాంటి ప్రశ్నలు తెరపైకి వస్తుంటాయి.

‘వారణాసి’ సినిమాకి సంబంధించిన ‘గ్లోబ్‌ట్రోటర్ ఈవెంట్’ సందర్భంగా, రాజమౌళి చేసిన ‘దేవుడి మీద నమ్మకం లేదు గానీ’ వ్యాఖ్యలు వివాదాస్పదమవుతున్నాయి.

Rajamouli Controversy Hanuman Varanasi.. హనుమంతుడి మీద అలక, ఆవేదన..

వాస్తవానికి, ఈ వ్యాఖ్యలు వివాదాస్పదమవడానికి బలమైన కారణం వుంది. అదేంటంటే, హనుమంతుడి మీద రాజమౌళి ‘అలక’ ప్రదర్శించడం.

మొన్నామధ్య ‘ఓజీ’ ప్రీ రిలీజ్ ఈవెంట్ సందర్భంగా భారీ వర్షం కురిసింది. ట్రైలర్ కూడా సాంకేతిక సమస్యల వల్ల అనుకున్న సమయానికి అదే వేదికపై విడుదల చేయలేకపోయారు.

ఈ క్రమంలో ఎంత సిద్ధమైతే అంత.. అంటూ, హీరో పవన్ కళ్యాణ్ లీడ్ తీసుకుని, అభిమానుల్ని అలరించేందుకు అందుబాటులో వున్న వీడియోను ప్రదర్శించేలా చేశారు.

సినిమా ఫంక్షన్లలో సాంకేతిక సమస్యలు మామూలే.! ‘ఆలస్యం’ గురించి ఎంత చెప్పుకున్నా తక్కువే. ‘ఆర్ఆర్ఆర్’ సినిమా పలుమార్లు వాయిదా పడుతూ వచ్చింది.. చివరికి విడుదలై, ఘనవిజయాన్ని అందుకుంది.

రాజమౌళి తన సినిమాల్ని చెక్కుతూనే వుంటాడు.. ఇది అందరికీ తెలిసిన విషయమే. ‘వారణాసి’ వీడియో విషయమై, కొన్ని సాంకేతిక సమస్యలొచ్చాయి, స్క్రీన్ మీద ప్రదర్శించడానికి ఆలస్యమైంది.

దానికే, రాజమౌళి అంత అసహనానికి గురైతే ఎలా.? తన భార్య హనుమంతుడిని నమ్ముతుందనీ, తన తండ్రీ నమ్ముతారనీ.. హనుమంతుడే వెన్నంటి వుండి నడిపిస్తాడని చెప్పారనీ రాజమౌళి చెప్పాడు.

వాళ్ళు హనుమంతుడి గురించి అంత గొప్పగా చెప్పినా, తనకు ఇబ్బందులు వచ్చాయంటూ రాజమౌళి వాపోయాడు.!

నమ్మకం లేని చోట..

హనుమంతుడి భక్తుడిగా, హనుమంతుడి మీద రాజమౌళి ‘ఆవేదన’ వ్యక్తం చేస్తే అర్థం వుంది. కానీ, దేవుడంటే నమ్మకం లేదని చెబుతూ, హనుమంతుడి మీద ‘పాసింగ్ కామెంట్స్’ చేసేస్తే ఎలా.?

రాజమౌళిని ‘జక్కన్నగా’ యావత్ భారతీయ సినీ పరిశ్రమ గౌరవిస్తోంది. ‘ఆర్ఆర్ఆర్’ సినిమాలో, రామ్ చరణ్‌ని రాముడిలా రాజమౌళి చూపించిన తీరు అద్భుతం.

యావత్ భారతావని.. ఆ రాముడి గెటప్ చూసి, భక్తి పారవశ్యంలో మునిగిపోయింది. దేవుడి మీద నమ్మకం లేకపోతే, రాజమౌళి ఆ పాత్రని అంత అద్భుతంగా మలచలేడు.

కానీ, దేవుడి మీద నమ్మకం లేదనే కామెంట్ చేసి, హనుమంతుడి మీద ‘లేకి’ కామెంట్లు వేయడమేంటి.. నాన్సెన్స్ కాకపోతే.!

వున్నపళంగా రాజమౌళి, క్షమాపణ చెప్పేసి.. వివాదానికి ముగింపు పలకాలి.! లేదంటే, పరిస్థితి చెయ్యిదాటిపోతుంది.!

అన్నట్టు, ‘వారణాసి’ గ్లింప్స్‌‌లోనూ హనుమంతుడిని అద్భుతంగా చూపించాడు రాజమౌళి.!