Meera Vasudevan Divorce.. ఆమె మూడు పెళ్ళిళ్ళు చేసుకుంది.. అతను నాలుగు పెళ్ళిళ్ళు చేసుకున్నాడు.! ఎవరి కంపాటిబిలిటీ వాళ్ళది.! ఎవరి వ్యక్తిగత జీవితం వాళ్ళది.!
ఏ రెండు జీవితాలూ ఒకేలా వుండవు. అంతెందుకు, చేతికి వున్న ఐదు వేళ్ళూ సమానంగా వుంటాయా.? వుండవు కదా.!
రెండు జీవితాలు ఒక్కటై, సంసార బంధాన్ని కడదాకా కొనసాగించడమంటే, ఈ రోజుల్లో చాలా చాలా కష్టమైన పని.! ఉదయం పెళ్ళి, సాయంత్రం విడాకులు.. ఈ పరిస్థితుల్ని చూస్తున్నాం.
కానీ, సెలబ్రిటీలు విడాకులు తీసుకుంటే, అదేదో ఘోర తప్పిదంగా మాట్లాడుకుంటున్నాం.! ఎందుకిలా.? సినీ సెలబ్రిటీలంటే, మీడియాకి వున్న స్పెషల్ ఇంట్రెస్ట్ అలాంటిది.
Meera Vasudevan Divorce.. ట్రోలింగు.. వైరల్ న్యూస్ బ్రేకింగూ.!
ఇక, ట్రోలింగ్ కంటెంట్ అవసరం గనుక.. నెటిజన్లు కూడా, అలాంటి వాటి మీద ఎక్కువ ఫోకస్ పెడుతుంటారు. కామెడీ ఏంటంటే, ట్రోల్స్ చేసేవాళ్ళ వైవాహిక జీవితాలూ అంతంతమాత్రమే.
సెలబ్రిటీల విడాకుల గురించి పిచ్చి రాతల్ని ప్రచారంలోకి తీసుకొచ్చే మీడియా సంస్థలు, వాటిని రాసే జర్నలిస్టులు.. వీళ్ళ వ్యక్తిగత జీవితాలు కూడా ఏమంత ఘనంగా లేవు.
గొంగట్లో తింటూ, వెంట్రుకలు ఏరుకోకూడదన్నది ఓ సామెత.! ‘ప్రముఖుల’ విడాకుల గురించి మాట్లాడుకోవడం కూడా ఇప్పుడు అలాంటిదే.
అసలు విషయమేంటంటే, నటి మీరా వాసుదేవన్ (తెలుగులో ఓ రెండు సినిమాల్లో నటించింది లెండి) తాజాగా, తన మూడో ‘డివోర్స్’ని ప్రకటించింది.
‘నేనిప్పుడు సింగిల్’ అని మీరా వాసు దేవన్ తాజాగా సోషల్ మీడియా వేదికగా ప్రకటించడంతో, ఆమెను విపరీతంగా ట్రోల్ చేస్తున్నారు నెటిజన్లు.
Also Read: రామ్ పోతినేని.. ముందుకొచ్చేశాడెందుకో.!
ప్రస్తుతం మలయాళంలో అడపా దడపా సినిమాలు చేస్తున్న మీరా వాసుదేవన్, కొన్ని టీవీ సీరియళ్ళలోనూ నటిస్తోంది.
తెలుగు మీడియా అయితే, మీరా వాసుదేవన్‌ని ఎప్పుడో మర్చిపోయింది. ఇప్పుడీ విడాకుల వ్యవహారంతో, తెలుగు మీడియాలోనూ మీరా వాసుదేవన్ పేరు మార్మోగిపోతోంది.
అందరికీ అన్నీ తెలుసు.. తమ కుటుంబాల్లో ఏం జరుగుతున్నాయో కూడా తెలియనంత అమాయకత్వం అయితే ఎవరికీ లేదు.!
రోజులు మారాయ్.. మనుషుల మధ్య అవగాహన తగ్గిపోతోంది. భార్యా భర్తల మధ్య ‘భరించడం’ అనేది కష్టమైపోతోంది.
అర్థం చేసుకునేంత తీరిక దొరకనంత బిజీ అయిపోయాయి జీవితాలు. ‘స్వాతంత్ర్యం’ కోరుకోవడం ఎక్కువైపోయింది.
ఫలితం.. విడాకులు. సినిమా, రాజకీయాలు.. ఏ రంగంలోని వారికైనా.. విడాకులు తప్పట్లేదు. విడాకులంటే, అయ్యోపాపం.. అనే పరిస్థితుల్లేవు. ఇదో రకం ఎంటర్టైన్మెంట్ అయి కూర్చుందిప్పుడు.
కాదేదీ ‘సంచలన వార్త’కి అనర్హం.! అద్గదీ అసలు సంగతి.
