Tejas Setback Anand Mahindra.. మహీంద్రా సంస్థ నుంచి పలు రకాల ప్యాసింజర్, రవాణా వాహనాలు మార్కెట్‌లో తమదైన సత్తా చాటుతున్న సంగతి తెలిసిందే.!
నిజానికి మహీంద్రా అంటే ఒక బ్రాండ్.
సంస్థ అధినేత ఆనంద్ మహీంద్రా, సోషల్ మీడియాలో చాలా యాక్టివ్‌గా వుంటారు. వివిధ అంశాలపై స్పందిస్తుంటారు. చాలా సామాజిక సేవా కార్యక్రమాల్లోనూ పాల్గొంటుంటారు.
ఆనంద్ మహీంద్రా అంటే, చాలామందికి గౌరవం కూడా.! అలాగని, ఆయన్ని ట్రోల్ చేసేవారు లేరా.? అంటే, ఎందుకు లేరు.. చాలామందే వున్నారు.
ట్రోలింగ్ అనేది ఆనంద్ మహీంద్రాకి కొత్త కాదు.! కాకపోతే, ఈసారి ఎదుర్కొంటున్న ట్రోలింగ్, చాలా చాలా ప్రత్యేకమైనది. నిజానికి, ఇది ట్రోలింగ్ కాదు.. అంతకు మించి.
విమర్శ.. సద్విమర్శ.. చీవాట్లు.. ఇవన్నీ ఎదుర్కొంటున్నారిప్పుడు ఆనంద్ మహీంద్రా.. అదీ, తేజస్ మీద చేసిన ‘తేలిక’ వ్యాఖ్యల నేపథ్యంలో.
తేలికపాటి యుద్ధ విమానం తేజస్, ఇటీవల దుబాయ్ ఎయిర్ షో సందర్భంగా విన్యాసాలు చేస్తూ, కుప్పకూలిపోయిన సంగతి తెలిసిందే.
తేజస్ యుద్ధ విమానాన్ని నడుపుతున్న పైలట్ ఈ ప్రమాదంలో ప్రాణాలు కోల్పోయారు. ఘటన దురదృష్టకరమని పేర్కొంటూ, బాధిత కుటుంబానికి ప్రగాఢ సానుభూతి కూడా తెలిపారు ఆనంద్ మహీంద్రా.
అయితే, ‘తేజస్ ప్రోగ్రామ్‌కి ఇదొక సెట్ బ్యాక్.. అనగా వెనకడుగు’ అంటూ ఆనంద్ మహీంద్రా ప్రస్తావించిన తీరు విమర్శలకు కారణమవుతోంది.
ఆరు వందల యాభై కోట్ల రూపాయల విలువైన యుద్ధ విమానమొకటి, ప్రమాదవశాత్తూ కుప్పకూలిపోయింది, పైలట్ ప్రాణాలు కోల్పోయాడు.
అందరికీ తెలిసిన విషయమే, తేజస్ యుద్ధ విమానాన్ని.. మన ఆత్మ గౌరవంగా రక్షణ రంగ నిపుణులు అభివర్ణిస్తారు. స్వదేశీ తయారీ యుద్ధ విమానమిది.
ఇప్పటికే, వైమానిక దళంలో చేరి, సేవలు అందిస్తోంది తేజస్. ఈ యుద్ధ విమానానికి అదనపు హంగులు అద్ది, కొత్త వేరియంట్లను రంగంలోకి దించుతున్నారు.
ఎఫ్16, రఫేల్ వంటి యుద్ధ విమానాలకూ, విన్యాసాల సందర్భంగా ప్రమాదాలు తప్పలేదు. వాటితో పోల్చితే, తేజస్ ఎదుర్కొన్న ప్రమాదాలు చాలా చాలా తక్కువే.
రెండే రెండు తేజస్ యుద్ధ విమానాల్ని ఇప్పటిదాకా భారత వైమానిక దళం కోల్పోయింది. స్వదేశీ తయారీ గనుక.. అదేమంత పెద్ద నష్టం కూడా కాదు.! పైలట్‌ని కోల్పోవడమే పెద్ద నష్టం.!
భారత రక్షణ అవసరాలు తీరాక, తేజస్ యుద్ధ విమానాన్ని, విదేశాలకు విక్రయించే అవకాశముంది. అలా విక్రయించే క్రమంలో, ఈ ప్రమాదాలు లెక్కల్లోకి రావొచ్చు.. రాకపోనూ వచ్చు.
రెండు తేజస్ యుద్ధ విమానాలు ప్రమాదానికి గురైనంత మాత్రాన, మొత్తం ‘తేలిక పాటి యుద్ధ విమానం తేజస్’ ప్రోగ్రామ్‌కే ‘సెట్ బ్యాక్..’ అనడం ఆనంద్ మహీంద్రా లాంటి కార్పొరేట్ జెయింట్స్‌కి తగదు.
ఏ దురాలోచనతో ఆనంద్ మహీంద్రా ఈ ‘సెట్‌బ్యాక్’ వ్యాఖ్యలు చేశారన్నదానిపై భిన్న వాదనలు వినిపిస్తున్నాయి.
ఒక్కటి మాత్రం నిజం.. ముందు, తన మట్టి బుర్రని ఆనంద్ మహీంద్రా, ఒకింత పద్ధతిగా శుభ్రం చేసుకుంటే మంచిది.
