Rajendra Prasad Brahmanandam Musali.. ఆయన సీనియర్ నటుడు.. ఈయనా సీనియర్ నటుడే.! ఇద్దరూ వారి వారి స్థాయిలో తెలుగు సినిమాకి తమదైన ‘గ్లామర్’ అద్దారు.!
ఇద్దరిలో ఎవరూ తక్కువ కాదు.! ఇద్దరి మధ్యా మంచి స్నేహం కూడా వుంది.! అలాగని, పబ్లిక్‌గా అసభ్యకరంగా ఒకరి మీద ఇంకొకరు మాట్లాడితే ఎలా వుంటుంది.?
సీనియర్ నటుడు రాజేంద్ర ప్రసాద్ ఇటీవలి కాలంలో తరచూ నోరు జారుగుతున్నారు. ‘నోటి దూల’ అని కొందరు, కాస్త పద్ధతిగా ‘నోటి దురద’ అని ఇంకొందరు.. ఆయన తీరుని తప్పు పడుతున్న పరిస్థితి.
మరికొందరైతే, ‘నోటి విరేచనాలతో బాధపడుతున్న రాజేంద్ర ప్రసాద్’ అంటూ, ఆయనపై తీవ్రస్థాయిలో ధ్వజమెత్తుతున్నారు.!
Rajendra Prasad Brahmanandam Musali.. ఏమయ్యింది రాజేంద్రుడికి.?
రాజేంద్ర ప్రసాద్.. పరిచయం కొత్తగా అవసరం లేదు తెలుగు సినీ అభిమానులకి.! కామెడీ హీరో, లెజెండరీ యాక్టర్.. రాజేంద్ర ప్రసాద్ అంటే, అందరికీ గౌరవమే.
గత కొన్నాళ్ళుగా రాజేంద్ర ప్రసాద్ వ్యవహార శైలి అస్సలేమాత్రం బాగోడంలేదు. వేదికలెక్కి ఆయన నోటికొచ్చినట్లు మాట్లాడుతున్నారు.
దాంతో, ఆయన అభిమానులూ ఆయన తీరుని తప్పు పట్టాల్సిన పరిస్థితి వస్తోంది. రాజేంద్ర ప్రసాద్ వయసుకి గౌరవమిచ్చి, చాలామంది ఏమీ అనలేకపోతున్న పరిస్థితినీ చూస్తున్నాం.
ఎవరు మాత్రం, రాజేంద్ర ప్రసాద్ లాంటి సీనియర్ యాక్టర్‌ని ఇలాంటి వేదికలపై ఆపగలరు.? అలాగని, ఆయనకి సంస్కారం లేదా.? అంటే, అలా అనడమూ కరెక్ట్ కాదు.!
అయినాసరే, రాజేంద్ర ప్రసాద్ వ్యవహార శైలి, చాలామందికి చికాకు తెప్పిస్తోంది. ఈసారి రాజేంద్ర ప్రసాద్ నోటి దురద కారణంగా అవమాన పడ్డది హాస్య బ్రహ్మ బ్రహ్మానందం.!
బ్రహ్మానందంతో ఎంత చనువు వున్నా సరే, రాజేంద్ర ప్రసాద్ అలా నోరు జారి వుండకూడదు.! నోటి దురద, నోటి దూల, నోటి విరేచనం.. పేరేదైతేనేం.. ఆ పైత్యాన్ని ప్రదర్శించి వుండకూడదు.
వీలైతే, రాజేంద్ర ప్రసాద్‌కి ఇకపై సినీ వేదికలపై మైక్ ఇవ్వకుండా వుండండి.! చెప్పడం తేలికే.. కానీ, సాధ్యమా.?
ఎందుకు సాధ్యం కాదు, రాజేంద్ర ప్రసాద్ గౌరవం కాపాడటానికి ఇంతకు మించిన మార్గం ఇంకోటి లేదు.
