Jagan Politics Against Pawan.. రాజకీయాల్లో శాశ్వత శతృవులు, శాశ్వత మిత్రులు ఎవరూ వుండరని.. తల పండిన రాజకీయ నాయకులు చెబుతుంటారు.!
నిజమే, రాజకీయమంటే శతృత్వం కాదు. అలాగని, రాజకీయాల్లో ప్రత్యర్థులు వుండకూడదనీ కాదు.! ప్రత్యర్థులు వేరు, శతృవులు వేరు.!
అసలంటూ, రాజకీయాల్లో ఎవరూ ఎవరికీ శతృవులు కారు.. ప్రత్యర్థులు మాత్రమే. గెలుపు వ్యూహాల్లో భాగంగా, ప్రత్యర్థులపై రాజకీయ విమర్శలు చేస్తుంటారు.
అంతేగానీ, రాజకీయ ప్రత్యర్థులపై శతృత్వం పెంచుకుంటే, అంతకన్నా హాస్యాస్పదం కాదు.! ఎవరు ఏ రాజకీయ పార్టీ జెండా పట్టుకున్నా, అందరూ ప్రజల ఎజెండానే ఫాలో అవ్వాలి.
ఇప్పుడిదంతా ఎందుకంటే, వైఎస్ జగన్ మోహన్ రెడ్డి తన రాజకీయ ప్రత్యర్థుల్ని శతృవుల్లా చూస్తుంటారు.. అదే, ఆయన్ని రాజకీయంగా నానాటికీ కోలుకోలేని దెబ్బ తీస్తోంది.
2019 ఎన్నికల్లో వైఎస్ జగన్ గెలుపు, జాక్ పాట్.! 2024 ఎన్నికల్లో వైఎస్ జగన్ ఓటమి.. రాజకీయంగా అది చావు దెబ్బ.!
ఎందుకిలా చెప్పాల్సి వస్తోందంటే, 2019 నుంచి 2024 వరకు, అధికార పీఠమెక్కి, రాజకీయ ప్రత్యర్థులను శతృవుల్లా చూస్తూ కక్ష సాధింపు చర్యలకు దిగారు గనుక.
మరీ ముఖ్యంగా, జన సేన అధినేత పవన్ కళ్యాణ్ మీద, అత్యంత జుగుప్సాకరమైన రాజకీయ విమర్శలకు తెరలేపారు వైఎస్ జగన్, తాను ముఖ్యమంత్రిగా వున్న సమయంలో.
వైసీపీ దారుణ పరాజయానికి ఇదీ ఓ కారణం.! ఇప్పటికీ వైసీపీలో మార్పు రాలేదు. పవన్ కళ్యాణ్‌ని వ్యక్తిగతంగా వైసీపీ నాయకులు దూషిస్తూనే వున్నారు.
వైసీపీ పెంపుడు ‘జంతువులు’ కొన్ని సోషల్ మీడియా వేదికగా, పవన్ కళ్యాణ్ మీద అత్యంత జుగుప్సాకరమైన ట్రోలింగ్ చేస్తోంది. ఈ తతంగాన్ని ప్రజలు గమనిస్తున్నారు.
గ్రౌండ్ లెవల్‌లో వైసీపీ పరిస్థితి నానాటికీ దిగజారిపోతోంది.! వైసీపీ తరఫున ప్రజా పోరాటాలేమీ లేవు గడచిన ఏడాదిన్నర కాలంగా.!
పులివెందుల ఎమ్మెల్యే వైఎస్ జగన్, వారానికోసారి అలా రాష్ట్రానికి వచ్చి వెళుతున్నారంతే. సొంత నియోజకవర్గానికి ఎప్పుడోగానీ ఆయన వెళ్ళడంలేదు.
మిగతా వ్యవహారాలన్నీ ఓ పక్క. వైసీపీ తన రాజకీయ ప్రత్యర్థిగా ఎంచుకుని, తనను తాను దెబ్బ తీసుకుంటోంది.! పవన్ కళ్యాణ్ మీద వైసీపీ ఎంత ‘యాగీ’ చేస్తే, అంతలా వైసీపీ నష్టపోతుంది.
ఈ విషయాన్ని వైఎస్ జగన్ మోహన్ రెడ్డికి అర్థమయ్యేలా చెప్పడంలో వైసీపీ నేతలు విఫలమవుతున్నారు. నో డౌట్, పవన్ కళ్యాణ్ ఏపీ రాజకీయాల్లో ‘గేమ్ ఛేంజర్’.!
పవన్ కళ్యాణ్‌తో స్నేహం చేయకపోయినా ఫర్లేదు, వైరం పెంచుకుంటే వైసీపీ మరింత వేగంగా తన ఉనికిని ఆంధ్ర ప్రదేశ్ రాష్ట్రంలో కోల్పోతుందన్నది నిర్వివాదాంశం.
కారణం ఒక్కటే.. పవన్ కళ్యాణ్ మీద ఒక్క అవినీతి మరక కూడా లేదు.! వైసీపీ సంగతి తెలిసిందే కదా.!
