Smriti Mandhana Wedding.. మీడియాని మరీ నేరుగా ‘కుక్కలు’ అనేయడం సబబు కాదు కదా, అందుకే ‘గ్రామ సింహాలు’ అనాల్సి వస్తోంది.!
మెయిన్ స్ట్రీమ్ మీడియా ఎంత ఛండాలంగా తయారైందో చాలాకాలంగా చూస్తూనే వున్నాం. అందుకే, వెబ్ మీడియా పుట్టుకొచ్చింది.
సోషల్ మీడియా వేదికగా, స్వచ్ఛమైన అభిప్రాయాల్ని నిరభ్యంతరంగా చెప్పుకునేందుకూ వీలు దక్కింది. అయినా, మీడియాకి వున్న క్రేజ్ కొంత అలానే వుంది.
సంచలన వార్తలు సృష్టించడమే మీడియా లక్ష్యమైపోయిందిప్పుడు. మనిషిని కుక్క కరిస్తే వార్త కాదు.. కుక్కని మనిషి కరిస్తే వార్త.. అన్న కోణంలో మీడియా సంస్థలు ప్రవర్తిస్తున్నాయి.
అసలు విషయంలోకి వస్తే, ఊళ్ళో పెళ్ళికి కుక్కల హడావిడి.. అనే పాత మాట తరచూ వింటుంటాం.! పెద్దలు చెబుతుంటారిది.
నేటి మీడియాకి, ఈ మాట సరిగ్గా సూటవుతుంది. క్రికెటర్ స్మృతి మందాన పెళ్ళి పీటలెక్కాల్సి వుంది. అయితే, ఆమె తండ్రి అనారోగ్యం బారిన పడటంతో, వివాహం వాయిదా పడింది.
ఇంకోపక్క, స్మృతి మందానను పెళ్ళాడబోయే వ్యక్తి కూడా అనారోగ్యం బారిన పడి, ఆసుపత్రి పాలయ్యాడు. అంతే, కొత్త కొత్త గాలి వార్తలు పుట్టుకొచ్చేశాయి.
స్మృతి మందానని పెల్ళాడబోయే వ్యక్తికి పెద్ద అనారోగ్యమేమీ సంభవించలేదు. ఆసుపత్రిలో ఇలా చేరి, అలా డిశ్చార్జి అయిపోయాడు. అతనెవరు, ఏంటి కథ.? అన్నది తర్వాత మాట్లాడుకుందాం.
ఇంతకీ, స్మృతి మంధాన పెళ్ళి ఎందుకు ఆగిపోయింది.? నిజంగానే ఆమె తండ్రికి గుండె పోటు వచ్చిందా.? అంటూ, ఓ వర్గం మీడియా వెకిలి రాతలు మొదలు పెట్టాయి.
కాదు కాదు, స్మృతికి కాబోయే భర్తకి అక్రమ సంబంధాలున్నాయనే విషయం బయటపడి, ఇరు కుటుంబాల మధ్య గొడవలు జరిగాయంటూ ఇంకో వర్గం మీడియా విశ్లేషణల్ని తెరపైకి తెచ్చింది.
ఈ గందరగోళం నడుమ, సోషల్ మీడియాలో స్మృతి మందాన ఎంగేజ్మెంట్ వ్యవహారాలకు సంబంధించిన కంటెంట్ ఆమె హ్యాండిల్ నుంచి తొలగించబడింది.
ఇంకేముంది.. ఎవడికి తోచింది వాడు ప్రచారంలోకి తీసుకొచ్చేస్తున్నాడు గాలి వార్తల్ని.. మీడియా ముసుగులో.
తన పెళ్ళికి సంబంధించి ఎలాంటి నిర్ణయమైనా తీసుకునే హక్కు స్మృతికి వుంది. ఆమె ప్రైవసీని ప్రతి ఒక్కరూ గౌరవించాల్సిందే.
సెలబ్రిటీ అయినంతమాత్రాన, ఆమె జీవితంలోకి మీడియా ముసుగులో చొరబడిపోతామంటే, అది పాత్రికేయ వ్యభిచారం అవుతుంది.!
క్రికెట్‌లో మహిళలు రాణించడం అంత తేలిక కాదు.! ఎన్నో కష్టనష్టాల్ని ఎదుర్కొని, క్రికెటర్‌గా అత్యున్నత శిఖరాల్ని అధిరోహించింది స్మృతి మందాన.
అలాంటి గొప్ప క్రికెటర్ స్మృతి మందాన వ్యక్తిగత జీవితం విషయమై కనీసపాటి బాధ్యతని మీడియా మర్చిపోతే ఎలా.?
