Home » ‘ఏదో గుడిలో లడ్డంటాడు’.. వైఎస్ జగన్ అసహనమిదీ.!

‘ఏదో గుడిలో లడ్డంటాడు’.. వైఎస్ జగన్ అసహనమిదీ.!

by hellomudra
0 comments
Ys Jagan Legislative Council

Ys Jagan Laddu Diversion.. రాజకీయాలన్నాక విమర్శలు సహజం.! వైసీపీ అధినేత వైఎస్ జగన్ మోహన్ రెడ్డి, ప్రతి పక్ష హోదా కోసం పడరాని పాట్లూ పడుతున్నారు.!

18 సీట్లకు తగ్గితే, ప్రతిపక్ష హోదా వుండదని ముఖ్యమంత్రిగా వున్న సమయంలో, అసెంబ్లీలోనే స్టేట్మెంట్ ఇచ్చిన జగన్, ఇప్పుడు పదవి చేజారిపోయాక.. 11 సీట్లకే ప్రతిపక్ష హోదా కావాలంటున్నారు.

సరే, వైఎస్ జగన్ మోహన్ రెడ్డికి ప్రతిపక్ష హోదా వస్తుందా.? రాదా.? అన్నది వేరే చర్చ. ప్రతిపక్ష హోదా కోసం పాట్లు పడుతున్న క్రమంలో, రాజకీయ విమర్శలకు పరిమితమవుతున్నారు వైఎస్ జగన్.

అధికార పక్షంపై వైఎస్ జగన్ విమర్శలు చేయడం తప్పు కాదు.! అదే రాజకీయం.! అయితే, రాజకీయ విమర్శలు చేసే క్రమంలో, మాట మీద అదుపు కోల్పోతున్నారు వైఎస్ జగన్.

సీఎం చంద్రబాబు డైవర్షన్ రాజకీయాలు చేస్తున్నారన్నది వైఎస్ జగన్ ఆరోపణ. రైతుల్ని పట్టించుకోవడంలేదని వైఎస్ జగన్, సీఎం చంద్రబాబుపై విమర్శలు చేస్తున్నారు.

ఇక్కడిదాకా బాగానే వుంది. డైవర్షన్ రాజకీయాలు చేస్తూ, ఏదో గుడి అంటాడు, లడ్డంటాడు.. అంటూ, అభ్యంతకర వ్యాఖ్యలు చేశారు వైఎస్ జగన్ మోహన్ రెడ్డి.

ఏదో గుడి ఏంటి.? తిరుమల కొండపై కలియుగ ప్రత్యక్ష దైవం శ్రీ వెంకటేశ్వర స్వామి దేవస్థానం అది.! ఆ శ్రీవారి లడ్డూ ప్రసాదమది.!

లడ్డూ ప్రసాదం వైసీపీ హయాంలో కల్తీకి గురయ్యిందనీ, నెయ్యి స్థానంలో ఏవేవో వాడేశారనీ ఆరోపణలున్నాయి. వ్యవహారం కోర్టు పరిధిలోకి వెళ్ళింది.

ప్రత్యేక దర్యాప్తు బృందం, సీబీఐ ఈ కేసు విచారణ కొనసాగిస్తున్న సంగతి తెలిసిందే. లడ్డూ ప్రసాదం కల్తీ వ్యవహారానికి సంబంధించి భక్తులు తీవ్ర ఆందోళన చెందుతున్నారు.

ఇంత కీలకమైన అంశాన్ని పట్టుకుని, ‘డైవర్సన్’ అనడం, ‘ఏదో గుడి.. లడ్డంటాడు’ అంటూ ఎగతాళి చేయడం వైఎస్ జగన్ మోహన్ రెడ్డికి తగదు.

వైఎస్ జగన్, నాలుగ్గోడల మధ్య బైబిల్ చదువుకోవచ్చుగాక.. అది ఆయన వ్యక్తిగతం. కానీ, దేవాలయం.. లడ్డూ ప్రసాదానికి సంబంధించి చవకబారు వ్యాఖ్యలు చేయకూడదు.

చంద్రబాబు మీద విమర్శలు చేయడం, అది రాజకీయం.. ఆ విషయంలో వైఎస్ జగన్ మోహన్ రెడ్డిని తప్పు పట్టడానికేమీ లేదు.!

జగన్, లడ్డూ ప్రసాదం మీద ఇలానే లేకి వ్యాఖ్యలు చేస్తే, హిందూ సమాజం మొత్తం వైసీపీకి వ్యతిరేకంగా నినదించాల్సి వస్తుంది.

You may also like

Leave a Comment

Welcome to Mudra369, your one-stop destination for stories that matter, trends that inspire, and updates that keep you ahead. At Mudra369, we believe in delivering content that informs, entertains, and empowers.

Edtior's Picks

Latest Articles

Website Hosting Sponser

Fully Managed WordPress Hosting

© 2020-25, Mudra369 – All rights reserved. Designed By: KiTek Group